Հայաստան, «Աշխատանքի էլեկտրոնային բորսա»

EFSD դրամաշնորհ

 

Առաջադրանքի անվանումը՝ Գործատուների և աշխատանք փնտրողների հաար հասանելի «Աշխատանքի էլեկտրոնային բորսա» պետական հարթակի մշակում, թեստավորում, տեղադրում և ներդնում (Առաջադրանք)

 

Հղման համար՝ EFSD-ELE-CS/2/2023_2

 

Հայաստանի Հանրապետությունը ստացել է դրամաշնորհ Կայունացման և զարգացման Եվրասիական հիմնադրամի (EFSD) միջոցներից 518 000 (հինգ հարյուր տասնութ հազար) ԱՄՆ դոլարի չափով «Աշխատանքի էլեկտրոնային բորսա» Ծրագրի (այսուհետ՝ Ծրագիր) ֆինանսավորման համար և նպատակ ունի վերնշյալ Դրամաշնորհի միջոցների մի մասը օգտագործել խորհրդատվական ծառայությունների համար։

 

Խորհրդատվական ծառայությունները («Ծառայություններ») ներառում են բիզնես վերլուծություն գործատուներին և աշխատանք փնտրողներին հասանելի «Աշխատանքի էլեկտրոնային բորսա» պետական ​​հարթակի մշակման, թեստավորման, տեղադրման և ներդրման առաջադրանքի շրջանակներում: Նշված խորհրդատվական ծառայությունների տրամադրման համար նախատեսվում է ներգրավել բիզնես վերլուծաբանի։ Առաջադրանքի իրականացման մանրամասն տեխիկական առաջադրանքը (ՏԱ) կցվում է հետաքրքրվածության ներկայացման սույն հարցմանը։

 

 

Առաջադրանքի ընդհանուր տևողությունը 88 աշխատանքային օր է։

Ծառայությունների մեկնարկը նախատեսվում է 2023 թվականի նոյեմբերի 15-ին։

 

«Նորք» սոցիալական ծառայությունների տեխնոլոգիական և իրազեկման կենտրոն» հիմնադրամը, որպես Ծրագրի իրականացման խումբ («ԾԻԽ»), հրավիրում է որակավորված անհատ խորհրդատուների («Անհատ խորհրդատուներ»)՝ արտահայտելու իրենց հետաքրքրվածությունը Ծառայությունների մատուցման հարցում: Հետաքրքրված անձինք պետք է տրամադրեն փաստաթղթեր և տեղեկություններ, որոնք կփաստեն, որ նրանք ունեն պահանջվող որակավորում և համապատասխան փորձ Ծառայությունները կատարելու համար:

Որակավորման պահանջներն են.

·         Բակալավրի կամ մագիստրոսի կոչում վերլուծության, բիզնես վերլուծության, ՏՏ  կամ հարակից ոլորտում,

·         Ծրագրային ապահովման մշակման կամ հարակից ոլորտում բիզնեսի վերլուծության առնվազն 5 տարվա փորձ,

·         ՏՏ համակարգերի ֆունկցիոնալության մեջ առկա խոչընդոտները վերլուծելու և հայտնաբերելու հմտություններ,

·         Ժամանակակից ՏՏ լուծումների և տեխնոլոգիաների իմացություն (Jira, Asana, Gitlab, Trello, Confluence, Gliffy, Figma, Miro),

·         Օգտատերերի պատմությունների և էպիկական սցենարների մշակման փորձ,

·         Բացառիկ վերլուծական և կոնցեպտուալ մտածողության հմտություններ,

·         Շահագրգիռ կողմերի հետ ազդելու և սերտորեն աշխատելու կարողություն,

·         Բիզնես գործընթացների մոդելավորման, լուծումների նախագծման և դրանց համակարգման փորձ, մշակված լուծումները ցուցադրելու համար մանրամասն հաշվետվություններ ստեղծելու և շնորհանդեսներ վարելու փորձ,

·         Հայաստանի Հանրապետությունում կամ ԵԱՏՄ և ԵՄ երկրներում առնվազն 2 ՏՏ ծրագրի հաջող կառավարում վերջին 5 տարիների ընթացքում (2018-2023 թթ.)։

 

 «Կարճ ցուցակում» ընդգրկվելու ընտրության չափանիշները՝

·         տեղեկատվական համակարգերի կամ հարթակների ստեղծման ծրագրերի կառավարման ընդհանուր որակավորում և փորձ (առավելագույնը՝ 40 միավոր),

·         Պետական հատվածում տեղեկատվական համակարգերի կամ հարթակների ստեղծման համար նախագծերի կառավարման ոլորտում հատուկ որակավորում և փորձ (առավելագույնը՝ 60 միավոր):

 

Նվազագույն անցողիկ միավորը` 70

 

Անհատական ​​խորհրդատուն կընտրվի Անհատական ​​խորհրդատուի ընտրության մեթոդի համաձայն, որը սահմանված է Կայունացման և զարգացման եվրասիական հիմնադրամի գնումների ընթացակարգերում (փոփոխվել է 2018թ. նոյեմբերին) (https://efsd.org/en/about/documents/policies_and_procedures/ )։

 

Լրացուցիչ տեղեկություններ կարող եք ստանալ ստորև նշված հասցեով՝ Հայաստան, Երևան, 0069, Կարապետ Ուլնեցու 68, +(374-11) 50 18 06, աշխատանքային ժամերին՝ ժամը 09:00-ից մինչև 18:00։

 

Անգլերեն, ռուսերեն կամ հայերեն լեզուներով հետաքրքրվածության հայտերը պետք է գրավոր հանձնվեն ստորև նշված հասցեին՝ անձամբ կամ էլեկտրոնային փոստով մինչև 2023 թվականի նոյեմբերի 7-ը: Նամակի վենագիրը՝ EFSD-ELE-CS/2/2023_2_բիզնես վերլուծաբանի համար հետաքրքրվածության ներկայացում:

 

«Նորք» սոցիալական ծառայությունների տեխնոլոգիական և իրազեկման կենտրոն» հիմնադրամ

Հայաստան,  Երևան 0069 , Կարապետ Ուլնեցի 68

Անահիտ Պարզյան, տնօրեն

Հեռ․՝ +(374-11) 50-18-06

Էլ. փոստ՝ info@nork.am

Ստացողի պաշտոնական վեբ կայք՝ www.nork.am, www.nork.am/en/

ԿԶԵԲ պաշտոնական վեբ կայք՝ https://efsd.org

 

Հետաքրքրվածության հայտի հայերեն փաթեթը

Հետաքրքրվածության հայտի ռուսերեն փաթեթը

Հետաքրքրվածության հայտի անգլերեն փաթեթը