Հանդիպմանը ներկա են եղել նաև ՀՀ-ում ԱՄՆ արտակարգ և լիազոր դեսպան Քրիստինա Քվինը, ՀՀ գլխավոր դատախազ Աննա Վարդապետյանը, պետական մարմինների, մասնավոր հատվածի և միջազգային կառույցների ներկայացուցիչներ։

 

Համաժողովի նպատակն էր ներկայացնել կառավարման և բիզնես միջավայրում հաջողության հասած կանանց պատմությունները՝ հաղթահարման ուղիներն ու ձեռքբերումները։

 

Ընդգծելով բոլոր ոլորտներում կանանց մասնակցային դերի բարձրացման, տղամարդկանց և կանանց իրավահավասարության ապահովմանն ուղղված աշխատանքների կարևորությունը՝ նախարարի տեղակալը խոսել է 2024-2028 թթ․ նոր գենդերային ռազմավարության գերակա ուղղությունների և սկզբունքների մասին։ Վերջինիս խոսքով՝ կյանքի բոլոր ոլորտներում կանանց և տղամարդկանց հավասար իրավունքների և հնարավորությունների իրացման նպաստավոր պայմանների ստեղծումը խթան կհանդիսանա երկրի կայուն սոցիալ-տնտեսական զարգացման համար։

 

Համաժողովի ընթացքում տեղի են ունեցել «Կանայք կառավարման համակարգում» և «Կանայք բիզնեսում» թեմաներով պանելային քննարկումներ․ մասնակիցներն անդրադարձել են աշխատաշուկայում կանանց առաջխաղացման պետական ռազմավարական մոտեցումներին, պետական կառավարման համակարգում կանանց ներգրավվածությանը, բիզնեսում և մասնավոր հատվածում նրանց դերակատարությանն ու առաջխաղացմանը։

 

Քննարկումը շարունակվել է հարցուպատասխանի ձևաչափով․ ներկաները խոսել են կառավարման ոլորտում և որոշումների ընդունման մակարդակում կանանց և տղամարդկանց հավասար մասնակցության, սոցիալ-տնտեսական ոլորտում գենդերային խտրականության հաղթահարման, կանանց տնտեսական հնարավորությունների ընդլայնման և այլ հարցերի շուրջ: