Հանդիպման ընթացքում քննարկվել են հաշմանդամություն ունեցող անձանց հիմնահարցերի ոլորտում համագործակցության զարգացման և փորձի փոխանակման հնարավորությունները․ անդրադարձ է կատարվել անձի ֆունկցիոնալության գնահատման նոր համակարգի ներդնման, ապաինստիտուցիոնալացման քաղաքականության իրականացման, ինչպես նաև հաշմանդամություն ունեցող անձանց տրամադրվող ծառայությունների մատուցման ընթացքին։

 

Տաթևիկ Ստեփանյանը ներկայացրել է հաշմանդամություն ունեցող անձանց իրավունքների պաշտպանության, սոցիալական ներառման և հավասար հնարավորությունների ապահովման ուղղությամբ պետության կողմից իրականացվող բարեփոխումներն ու ծրագրերը՝ ընդգծելով միջազգային գործընկերների հետ համագործակցության կարևորությունը ոլորտի շարունակական զարգացման գործում։