Նախարարի տեղակալ Լուսինե Քոչարյանն իր ելույթում անդրադարձել է ընտանեկան բռնության ենթարկված կանանց պաշտպանության և աջակցության նոր մեխանիզմների ներդրման, ոլորտում ժամանակակից թվային գործիքների կիրառմանն առնչվող հարցերին՝ որպես դեպքերի կանխարգելման, վաղ հայտնաբերման, երկարաժամկետ արդյունքներ ապահովող միջոցներ։ Վերջինիս խոսքով՝ արդեն իսկ գործարկվող ընտանեկան և կենցաղային բռնության դեպքերի կենտրոնացված հաշվառման համակարգը հնարավորություն է տալիս մշակել առավել փաստահեն ու համակարգային պետական քաղաքականություններ։

 

Ներկայացվել է նաև «Safe You» թվային հարթակի նոր լուծումները` ուղղված կանանց նկատմամբ բռնության կանխարգելմանն ու բռնության դեպքերի համարժեք ու արագ արձագանքման մեխանիզմների արդյունավետության բարձրացմանը։

 

Միջոցառումն իրականացվել է «Մարդու իրավունքների պաշտպանության խթանում և ազգային հաստատությունների հզորացում» ծրագրի շրջանակում՝ ՄԱԿ-ի Զարգացման ծրագրի, ՄԱԿ-ի Բնակչության հիմնադրամի և ՅՈՒՆԻՍԵՖ-ի իրականացմամբ, Եվրոպական միության համաֆինանսավորմամբ։