Բյուջետային գործընթացի թափանցիկության և այդ աշխատանքներում քաղաքացիական հասարակության մասնակցության ապահովման նպատակով՝ Աշխատանքի և սոցիալական հարցերի նախարարության ներկայացուցիչներն ընդունել են «Բյուջեներ քաղաքացիների համար» ծրագրի ուսումնական բաղադրիչի մասնակիցներին։

Նախարարության ներկայացուցիչները երիտասարդ մասնագետներին և ՔՀԿ/ԶԼՄ-ների բյուջետային ուսումնական ծրագրի մասնակիցներին  ներկայացրել են բյուջետային գործընթացի փուլերը, կազմման ընթացակարգերը, առանձնահատկությունները։

Անդրադարձ է կատարվել նաև բյուջետային ծրագրերի մշակման աշխատանքներում հանրության հետ համագործակցության,  պետական ծախսերում հաշվետվողականության, մոնիթորինգի գործիքակազմի կիրառման հետ առնչվող մի շարք հարցերի։ 

Հանդիպումն շարունակվել է հարցուպատասխանի ձևաչափով, որի շրջանակում մասնակիցները ստացել են իրենց հետաքրքրող հարցերի պատասխանները, հանդես եկել դիտարկումներով ու առաջարկներով։