Նախարարը շրջել է տարածքային կենտրոններում, հետևել քաղաքացիների սպասարկման, խորհրդատվության տրամադրման և դիմումների ընդունման գործընթացին։

 

Անդրադառնալով պատշաճ հանրային իրազեկման անհրաժեշտությանը՝ նախարար Թորոսյանը խոսել է 2026 թվականի ապրիլի 1-ից պետական նպաստների անկանխիկ եղանակով վճարման գործընթացի կարևորության մասին։

 

Նախարարը հանձնարարել է տարածքային կենտրոնների աշխատակիցներին ուղիղ կապ հաստատել քաղաքացիների հետ և տեղեկացնել կենսաթոշակների ու նպաստների վճարման տեսակն անկանխիկի փոխելու տարբերակները։

 

Այցի ընթացքում քննարկվել են նաև Կոտայքի մարզում անապահովության գնահատման նոր համակարգի պիլոտային ծրագրի շրջանակում վերհանված խնդիրներն ու դրանց լուծման ուղիները։