Բացման խոսքով հանդես են եկել ՀՀ աշխատանքի և սոցիալական հարցերի նախարարի տեղակալ Տաթևիկ Ստեփանյանը, Հայաստանում ՄԱԿ-ի մշտական համակարգող Ֆրանսուազ Ժակոբը և Եվրոպայի խորհրդի երևանյան գրասենյակի ղեկավար Մաքսիմ Լոնգանգեն։

 

Տաթևիկ Ստեփանյանն իր խոսքում անդրադարձել է 2025 թ․ ընթացքում երկրում գենդերային հավասարության ապահովման, գենդերային, ընտանեկան բռնության կանխարգելման ու դրանց դեմ պայքարի ուղղությամբ իրականացված աշխատանքներին՝ միաժամանակ ներկայացնելով 2026 թ․ առաջնահերթությունները։

 

Հանդիպման ընթացքում ԱՍՀ նախարարության կողմից ներկայացվել է ՀՀ-ում գենդերային քաղաքականության իրականացման 2025–2028 թթ. ռազմավարության կատարման տարեկան զեկույցի նախագիծը, որը մշակվել է պետական, տեղական և միջազգային գործընկերների հետ համագործակցությամբ։

 

Քննարկվել են որոշումների կայացման գործընթացում կանանց ներգրավվածության ընդլայնման, նրանց տնտեսական հզորացման խթանման, առողջապահական ծառայությունների հասանելիության ապահովման վերաբերյալ մի շարք հարցեր։

 

Միջոցառումը շարունակվել է հարցուպատասխանի ձևաչափով։