ՀԱՅՏԱՐԱՐՈՒԹՅՈՒՆ

Ծրագրի մասին

Հայաստանի Հանրապետության և Վերակառուցման և զարգացման միջազգային բանկի (ՎԶՄԲ) համագործակցության շրջանակում իրականացվում է «Բնակարանային ապահովության և հիփոթեքային շուկայի զարգացման ծրագիրը»։ Ծրագրի հիմնական նպատակն է բարելավել փախստականների համար բնակարանային ապահովման լուծումների հասանելիությունը և նպաստել հիփոթեքային շուկայի ընդլայնմանը։

 Ծրագրի իրականացման խումբը (ԾԻԽ) հայտարարում է մրցույթ՝ Ծրագրի համակարգողի (Project Coordinator) թափուր հաստիքի համար: Ծրագրի համակարգողը պատասխանատու է ծրագրային գործողությունների արդյունավետ պլանավորման, իրականացման, մշտադիտարկման և համապարփակ վերահսկման համար՝ ապահովելով սահմանված թիրախային արդյունքների և հաշվետվությունների ժամանակին ու որակյալ ներկայացումը ֆինանսավորող կազմակերպությանը (ՎԶՄԲ):

Հաստիքի տվյալները

·         Պաշտոն՝ Ծրագրի համակարգող (Project Coordinator)

·         Աշխատանքի տեսակը՝ Լրիվ դրույք (Full-time)

·         Պայմանագրի տեսակը՝ Ծառայությունների մատուցման պայմանագիր (Consultancy Contract)

·         Վայրը՝ ք. Երևան, ՀՀ

Պաշտոնի նպատակը՝
Ծրագրի համակարգողը պատասխանատու է ծրագրային գործողությունների արդյունավետ պլանավորման, իրականացման, մշտադիտարկման և համապարփակ վերահսկման համար՝ ապահովելով սահմանված թիրախային արդյունքների և հաշվետվությունների ժամանակին ու որակյալ ներկայացումը ֆինանսավորող կազմակերպությանը:

Հիմնական գործառույթներն ու պարտականությունները՝

• Արդյունքների կառավարում. Ապահովել Ծրագրի ռազմավարական արդյունքների և ամփոփիչ փաստաթղթերի ժամանակին ներկայացումը ֆինանսավորող կազմակերպությանը:
• Շահագրգիռ կողմերի համակարգում. Նախաձեռնել և վարել Ծրագրին առնչվող աշխատանքային հանդիպումները, ցուցաբերել կառուցողական մասնագիտական աջակցություն ի հայտ եկած խնդիրների օպերատիվ և համակարգային լուծման գործում:
• Ռազմավարական պլանավորում. Աջակցել ծրագրային առաջարկների նախապատրաստմանն ու գնահատմանը, ինչպես նաև նախնական ժամանակացույցերի, զեկույցների և այլ առանցքային փաստաթղթերի մշակմանը:
• Ընթացիկ մոնիթորինգ. Իրականացնել Ծրագրի շրջանակներում սահմանված աշխատանքների ընթացքի և որակի շարունակական դիտարկում:
• Հաղորդակցության կառավարում. Ապահովել ծրագրային տեղեկատվության թափանցիկ, հասցեական և օպերատիվ հոսքը աշխատանքային թիմի, շահառուների և բոլոր շահագրգիռ կողմերի միջև:
• Հաշվետվողականություն. Պատրաստել Ծրագրի իրականացմանն առնչվող պարբերական, տարեկան և ամփոփիչ պաշտոնական զեկույցներ:
• Գործառնական օպտիմալացում. Ներկայացնել հիմնավորված առաջարկություններ Ծրագրի կազմակերպչական կառուցվածքի և գործառնական արդյունավետության բարձրացման ուղղությամբ:

Պահանջվող կրթություն և որակավորում

·         Կրթություն. Բարձրագույն կրթություն (Մագիստրոսի կոչում) կառավարման, տնտեսագիտության, բիզնես վարչարարության կամ հարակից ոլորտներում:

·         Աշխատանքային փորձ. Միջազգային դոնոր կազմակերպությունների (ՎԶՄԲ/Համաշխարհային բանկ, ԱԶԲ, ՄԱԿ և այլն) կողմից ֆինանսավորվող ծրագրերի համակարգման կամ կառավարման առնվազն 5 տարվա փորձ:

·         Լեզուների տիրապետում. Հայերենի և անգլերենի գերազանց (ազատ) տիրապետում (գրավոր և բանավոր)՝ պաշտոնական գրագրության և զեկույցներ կազմելու հմտություններով:

Համակարգչային գիտելիքներ

·         MS Office փաթեթի (Word, Excel, PowerPoint) գերազանց տիրապետում:

·         Ծրագրերի կառավարման մասնագիտացված հարթակների (MS Project, Jira, Asana) աշխատանքային իմացություն:

 ԴԻՄԵԼՈՒ ԸՆԹԱՑԱԿԱՐԳԸ

Հետաքրքրված անձինք պետք է ուղարկեն իրենց դիմումները էլեկտրոնային փոստով հետևյալ հասցեին՝ hr@mlsa.am):

Նամակի թեմա (Subject) բաժնում պարտադիր նշել՝ «Ծրագրի համակարգող (Project Coordinator)»:

Պահանջվող փաստաթղթերի ցանկը՝

1.     Ինքնակենսագրական (CV/Resume)՝ հայերեն կամ անգլերեն լեզվով, որտեղ հստակ արտացոլված է պահանջվող աշխատանքային փորձը։

2.    Կրթության մասին փաստաթուղթ՝ բարձրագույն ուսումնական հաստատության դիպլոմի (և միջուկի) պատճենը։

3.    Աշխատանքային փորձը հավաստող փաստաթղթեր՝ քաղվածք աշխատանքային գրքույկից, պայմանագրերի պատճեններ կամ տեղեկանք նախկին աշխատավայրերից (առկայության դեպքում)։

📅 Դիմումների ընդունման վերջնաժամկետ՝  2026 թվականի հունիսի 10-ը ներառյալ։