Միջոցառմանը մասնակցել են նաև Հայաստանում ԵՄ պատվիրակության ղեկավար, դեսպան Վասիլիս Մարագոսը, ՄԱԿ-ի մշտական համակարգող Ֆղանսուազ Ժակոբը, ՄԱԶԾ մշտական ներկայացուցիչ Նաթիա Նացվլիշվիլին, Յունիսեֆի ներկայացուցչի պաշտոնակատար Սիլվիա Մեստրոնին, ՀՀ մարդու իրավունքների պաշտպան Անահիտ Մանասյանը, օրենսդիր մարմինների պաշտոնատար անձինք, քաղհասարակության ներկայացուցիչներ։

 

Պետական մարմինների և միջազգային կառույցների ներկայացուցիչների խոսքով՝ երկկողմ ձևավորված սերտ համագործակցության արդյունքները նպաստավոր պայմաններ են ստեղծել մեկնարկող ծրագրի հաջողության համար։ Վերջիններս նշել են, որ շարունակական ջանքերի մեկտեղմամբ Հայաստանում մարդու իրավունքների պաշտպանության համակարգը կարձանագրի դրական փոփոխություններ և տեսանելի ադյունքներ՝ հանրության մեջ արմատավորելով հարգանքի և բոլորի նկատմամբ հավասարության սկզբունքները։

 

Եռամյա ծրագիրն իրականացվելու է ՄԱԿ-ի Զարգացման ծրագրի (ՄԱԶԾ) հայաստանյան գրասենյակի` ՅՈՒՆԻՍԵՖ-ի և ՄԱԿ-ի Բնակչության հիմնադրամի հետ համատեղ՝ Եվրոպական միության ֆինանսավորմամբ։