Կազմակերպության տնօրինության ուղեկցությամբ՝ նախարար Թորոսյանը շրջել է կենտրոնի տարածքում, ծանոթացել շահառուների առօրյայի կազմակերպման և զբաղվածության ապահովման հնարավորություններին։

 

«Երջանկության ճանապարհ» ՀԿ աշխատակիցները ներկայացրել են կազմակերպության գործունեությունն ու մտավոր խնդիրներ ունեցող անձանց մատուցվող ծառայությունների շրջանակը։ Զրույցի ընթացքում նախարար Թորոսյանն ընդգծել է պետության և հասարակական կազմակերպությունների սերտ համագործակցության կարևորությունը՝ հաշմանդամություն ունեցող անձանց ներառականության ապահովման և կայուն զբաղվածություն ունենալու հնարավորությունների ստեղծման գործում։

 

Քննարկվել են նաև պետություն - ՀԿ համագործակցության հնարավոր ուղղությունները, ծառայությունների որակի բարելավման և ընդլայնման հնարավոր քայլերը։