Քննարկմանը ներկա են եղել նաև ԱԺ պատգամավոր Ռուստամ Բաքոյանը, Առողջապահության նախարարի տեղակալ Արմեն Գասպարյանը, Բրիտանական հոգեթերապիայի ասոցիացիայի բաժնի ղեկավար Անժելա Շենգհի Միաոն, Երևանի քաղաքապետարանի երեխաների և սոցիալական պաշտպանության վարչության պետ Գևորգ Ղարիբյանը։

 

Նախարարի տեղակալ Տաթևիկ Ստեփանյանն իր ելույթում ընդգծել է, որ հոգեկան առողջությունը հանրային առողջության կարևոր բաղադրիչներից է և պետության առաջնահերթություններից մեկը։ Աշխատանքի և սոցիալական հարցերի նախարարության կողմից ոլորտում իրականացվող ծրագրերը միտված են ծառայությունների հասանելիության բարձրացմանը, հանրային իրազեկվածության մեծացմանը և հոգեկան առողջության նկատմամբ խտրական վերաբերմունքի նվազեցմանը։

 

Քննարկման բանախոսներն անդրադարձել են հոգեկան առողջության ոլորտում առկա մարտահրավերներին, կանխարգելման, վաղ արձագանքման և աջակցության մեխանիզմներին, ինչպես նաև միջգերատեսչական համագործակցության կարևորությանը։

 

Ներկայացվել է նաև միջազգային փորձը, ոլորտի զարգացմանն ուղղված հնարավոր ուղղությունները․ կարևորվել է համայնքային ծառայությունների զարգացումը և մասնագիտական ներուժի շարունակական հզորացումը: