Քննարկման ընթացքում ներկայացվել են Զբաղվածության ռազմավարության նպատակներն ու առանձնահատկությունները՝ աշխատուժի պրոֆիլավորման, աշխատաշուկայի միտումների վերլուծության, ֆորմալ և ոչ ֆորմալ զբաղվածության ցուցանիշների, սոցիալական տարբեր խմբերի զբաղվածության խթանման վերաբերյալ։

Կարևորելով աշխատանքի և զբաղվածության ոլորտում մրցունակ անձանց ներգրավումն ու ինչպես նաև բարձր արտադրողականությամբ աշխատատեղերի հնարավորությունների ստեղծումը՝ նախարարի տեղակալ Ռուբեն Սարգսյանը նշել է, որ ռազմավարությունն ուղղված է զբաղվածության հետ կապված զգալի մարտահրավերների կարգավորմանը: Մշակվող փաստաթղթի արդյունքները համահունչ են ՀՀ կառավարության գերակա ռազմավարական նպատակներին, ներառյալ՝ արտադրողականության և մրցունակության բարձրացումը, տնտեսական վերափոխումների խթանումը, կառուցվածքային գործազրկության խնդիրը, տարածաշրջանային համաչափ զարգացման խթանումը, աշխատաշուկայում գենդերային անհամամասնությունների նվազեցումը, զբաղվածության հետ կապված պետական քաղաքականության արդյունավետության բարձրացումն ու այլ խնդիրներ։